बीजिंग, 26 एप्रिल: चीन आणि जाम्बिया यांनी २४ एप्रिल रोजी जाम्बियाच्या राजधानी लुसाका येथे “चीन-जाम्बिया सरकार विकास सहयोग करार”ावर स्वाक्षरी केली.
स्वाक्षरी समारंभात, जाम्बियामध्ये चीनी राजदूत हान जिंग यांनी सांगितले की, चीन आणि जाम्बिया यांच्यात गहन पारंपरिक मैत्री आहे. हा करार दोन्ही देशांमधील मैत्रीपूर्ण संबंध आणि जाम्बियाच्या लोकांसाठी चीनच्या खऱ्या समर्थनाचे महत्त्वाचे प्रमाण आहे.
हान जिंग यांनी पुढे सांगितले की, 20 व्या शतकाच्या 60 च्या दशकात, जाम्बियाला आर्थिक नाकाबंदीमधून बाहेर काढण्यासाठी आणि समुद्रापर्यंत प्रवेश मिळवण्यासाठी, चीनने आपल्या आर्थिक अडचणींवर मात करून तंजानिया-जाम्बिया रेल्वेच्या बांधकामात ठामपणे मदत केली. नवीन युगात, चीन सरकार जाम्बियाला अन्न आणि वैद्यकीय सेवांसह विविध प्रकारची मदत देत आहे.
हान जिंग यांनी हेही सांगितले की, चीन सरकारने जाम्बियाच्या स्वतंत्र विकासाची क्षमता वाढविण्यात सक्रियपणे मदत केली आहे. जाम्बियामध्ये गुंतवणूक करण्यासाठी चीनी उद्योगांना सक्रियपणे समर्थन दिले आहे आणि जाम्बियाच्या औद्योगिकीकरण, आधुनिकीकरण आणि आर्थिक विविधीकरणाला प्रोत्साहन दिले आहे. चीन विविध क्षेत्रांमध्ये जाम्बियासोबत सहयोग मजबूत करण्यासाठी कार्यरत राहील आणि आधुनिकीकरणाच्या प्रक्रियेला पुढे नेण्यासाठी एकत्र काम करेल.
(साभार- चाइना मीडिया ग्रुप, पेइचिंग)